مجد عجلوني من قصة كنا مبارح
اطلعي فيني هاد انتي يلي بحبك نفسك ..
طيب وين هديك اللمعة بعيونك
بطلي تديري وجهك وقت بحكيكي
ليش هي الدمعة .. ؟
عم تخبيها .. !
فكرك يعني مو حاسس فيها ..
تعبتي .. مهمومة ..
جواتك في شي كل يوم عم ينهار
عم يدمّر احلى ما فينا ..
مافيني شوفك هيك انتي مو هيك ..
معقول السعادة تصير ذكرى حلوة
معقول اتركك تصيري متل هالبلد
كل يوم عم ينقتل وينهدم منها شي .. !
وطني تعبان , كرمال الرب
لا تتعبي انتي ..
بتتزكري ايام الـ 2009 و 2010
عرسنا وخطبتنا وحبنا
بتتزكري شو كنتي بتفرحي
لما اعملك شي مفاجئة
يتتزكري مفاجئتي
بتتزكري كيف كانت ضحكتك
يا الله شو مشتاق لهدوليك الضحكة
واكيد ما نستي وعودنا القديمة
يلي وفينا لبعض هي
تعي نعمل وعد جديد
وحلم جديد ..
انتي توعدني فيه .. تكوني قوية ..
وانا بوعدك نكمل مع بعض
لـ نرجع متل زمان .. قبل الحرب
____________
مـجـد عجلوني
2015/01/30