الحرب تثبت حقيقة مشاعرنا

وفجأة بتسمع صوت قوي .. 

عم يكسر كل شي حواليك  ..

بتحس الموت عم يقرّب منك 

بلحظة و بثواني قلال 

بمر كل حدا بتحبّو بحياتك  

على خيالك ..  

امك ابوك و اهلك ..

حبيبتك و رفقاتك .. 

كلهم بتتزكرهم بثواني قلال

وبعد هالثواني القلال بيخلص كل شي 

بتشوف حالك  لسى عايش 

بتشوف ناس صارت اشلاء 

و ناس عم تركد ..

النار قدامك طالعة .. 

صار تفجير قريب منك ..

بعد شوي , برن موبايلك 

حبيبتك يلي متخانق معها  

و يلي من شوي  تزكرتها 

عم تتصل ..

بترد وبدون ما تخليها  

تحكي و لا كلمة 

بتقلها اسف حبيبتي

وانا منيح ..

ما بتلحق تنهي المكالمة 

رد برن موبايلك ..

امك يلي  بتضايق من خوفها الزايد عليك

بترد بتكون ملهوفة عم تبكي من  خوفها   .. 

بتطمنها عنّك و بتسكر .. 

رفيقك الغليظ يلي دائما  

بتلاقي بوشك 

كمان عم يتصل بترد .. 

بقلك أنت منيح 

بتقلو .. اي منيح 

بقلك .. الحمد لله كنت خايف يكون 

صرلك شي النا معك 100 ليرة

شوي وجاية شوفك  :P 

بتقلو انا بفرجيك يا ندل :D 

و بتسكر بوشو .. 

بتطلع على حالك 

و بتحس حالك تافه لما انت تكون 

بلحظة وحدة زعلت فيها حدا

من هالناس .. 

بتعرف قيمتهم بحياتك ...

و بتعرف كمان انو ولا شي 

حياتك بدونهم ... 

فـ ليش لتزعلهم ..  ؟؟ 

______________

مجد عجلوني  

2014/04/30